Viðreisn

Gylfi aðstoðar Benedikt

02.11.16
Höfundur: Viðreisn

Benedikt Jóhannesson, formaður Viðreisnar og nýkjörinn þingmaður, hefur ráðið Gylfa Ólafsson sem aðstoðarmann sinn. Samkvæmt reglum Alþingis geta formenn flokka ráðið sér aðstoðarmann.

Gylfi var oddviti Viðreisnar í Norðvesturkjördæmi en náði ekki kjöri. Hann er með meistarapróf í hagfræði frá Stokkhólmsháskóla og hefur sinnt ráðgjafastörfum á Íslandi og Svíþjóð og kennslu í heilsuhagfræði við Háskóla Íslands síðustu ár meðfram doktorsnámi í faginu. Áður hafði Gylfi lokið grunnskólakennaraprófi frá Háskólanum á Akureyri. Hann var annar stofnenda Vía, nýsköpunarfyrirtækis í skordýraeldi, sem lagt var niður nýverið á grundvelli neikvæðra niðurstaðna úr rannsóknum fyrirtækisins.

Gylfi er kvæntur Tinnu Ólafsdóttur fjölmiðlafræðingi og saman eiga þau eina eins árs gamla dóttur.

Fleiri greinar